عش الهوى .. بقلم .. احمد ريحان ..

لو زرت يوم عش الهوي
هتشوف حطام قلب انكوي
و كام جدار عنّي حكي ؟
و من حنين قلبي بكي
كام مرة من دمعي ارتوي؟
تعرف حنيني
و شوقي و أنيني
و إنّي و سنيني
كنت أسير ..
أسير عهد الهوي
ياللي هويته بقلبي و لحزني منه بخبي
أمانة مرة تروح و تزور حيطان النوح
و اكتب أنا آسف اكتب
اكتب أنا آسف
مش هجيلك في المنام
و مش هعاتب في الكلام
بس روح عش الغرام
و افتكرني ليل نهار
بوس وطبطب ع الجدار
و اكتب أنا آسف