السبت، 18 يونيو 2016

انا خايف ........ الشاعر .. على شحاتة سليم

انا خايف
.......................
ملكنى الخوف على بلدى
وبلدى كمان ملكها الخوف
وخوفى مش من الحاصل
ولا من شعبها المحذوف
ولامن ظلم حكامها
ولامن ضهرها المكشوف
أنا خايف
أنا خايف
لأقوم الصبح من نومى
ألاقى الأرض مش أرضى
وألاتقى العرض مش عرضى
وألاقى المستحيل مصفوف
أنا بالله محيرنى
عيون الأهل والسلطان
لاسلطان البلد شايف
ولا أهل البلد شايفين
دموع طفل أتولد خايف
يكمل وسط ناس تانين
بلاش ننسى الأصول ونتوة
وأوراق الفروع نمسك
ونترك بكرة للمعتوة
يدوسها لما يتملك
ياسلطان البلد حاذر
وخللى أهلها يسندوك
ولملم شملها وبادر
وعلى شأنها يحبوك
لانا حابب تكون غاصب على بلدى
ولاحابب أشوف دمعة ف عين ولدى
ولاحابب أموت مالخوف
ياسلطان البلد
أحمى البلد مالخوف
كتبت هذه القصيده بعد 25 عند احساسي
بخوف من فقدان الهويه ولحظات التشتت
والضياع وفقدان الأمن والامان
على شحاتة سليم
مرسلة بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)