عروسة البيت ياصغيَّرة ********بقلم .. طارق شعبان أبو النجا

عروسة البيت ياصغيَّرة
********
عروسة البيت ياصغيرة
عروسة البيت متغيَّرة
عروسة البيت متحيَّرة
**
لو كنت حزين أو هاني
لو كنت فقير أو غني
سيدك ( عزوز) الأفغاني
ح يقولك حكمة في أغاني
لو روحك قفشت تاني
ع الأكل تشوف "دبَّاني"
*
قول لُه : حديد وبعيد وبعيد
وارجع قول له : حديد في حديد
والبس جلابيه مديَّرة
عروسة البيت ياصغيرة
*******
حرَّص م السِت اللي معاك
دافَّنه ( عملها) على الشباك
ح تعيي مامتك وباباك
وح تخسر كل اللي وراك
نصيحه قوم خدها معاك
ع ( البِشْعة) و النار كوياك
*
لو كذبت ، النار ح تأيد
وان صدقت ، ولسانها حديد
ادبح لها فرخه صغيرة
عروسة البيت ياصغيرة
*****
الله حي .. الله حي .. الله حي
دا غرامك كان موصوف لي
الله حي .. الله حي
أتاريه م ِ" الجن السُفلي "
الله حي .. الله حي
ماتشوف لك حل ، وماتشوف لي
المستور أصبح مكشوف لي
*
وحديد وبعيد
وقديم وجديد
ماتشوف لك حل ، وم تشوف لي
ده " عمل" على ضهر (الجندوفلي)
متجيبُه أجدع سنَّارة
عروسة البيت ياصغيرة
عروسة البيت متغيرة
عروسة البيت متحيرة
*******
طارق شعبان أبو النجا
8/6/2016 م
3رمضان 1437هـ

أعجبني

تعليقمشاركة