واقفين بنتفرج ...... الشاعر / أيمن خليل ..

واقفين بنتفرج
..................
واقفين بنتفـــرج
ولا حد يتحــرج
الدمع في عنينـا
تاه الأمل فينــــا
يامين يفرحنــــا
ويداوي لجراحنا
م احنا اللي موتنا
الحـلم بإدينــــــــا
خلينـا أمتنـــــــــا
ورقة ف كوتشينة
يلعب بينا المكــار
لعب الورق وقمار
ولا حـــد بيـــدور
والكــل بيحـــــور
كتر الكلام عــادة
بقــى زاد وزوادة
ودمــنا بيرخــص
وجثثنا تترصـص
ع الشط والشارع
والكــل بيســـارع
يلقط لنا المنظـــــر
بالكاميرا يتمـــنظر
بس القلوب مـاتت
حتى النفوس مالت
بقى كل شئ وارد
مستنيين مـــــــارد
يرفع رايات المجد
يكتب نهـــاية وحد
للخيبة والأزمــــة
ويجمع الحزمـــــة
وترجع الأمــــــــة
مرفوعة الهمــــــة
أيمن خليل