فرحه مصنوعه .. بقلم .. ‏الشاعر محمد عبد الفضيل‏.

تمت إضافة ‏‏3‏ من الصور الجديدة‏ من قبل ‏الشاعر محمد عبد الفضيل‏.

‏4‏ ساعات

شعـــــر ســـا خــــــر
--ـ-ــ------------------
حــمـــــا م تــقــيــــل
-------------------------

للشاعر / محمد عبد الفضيل
-------------------------------
و بتشخلع
علي خلخال من التوهــــــه ..
وزغروته ..
مخاصمه شفه مقطوعــــه
يا موجوعه ..
شراشيبك بتطرح
فرحه مصنوعه ..
بتحضن جوا موالك
وتتحزم بخلخالك
وتترقص يا دلوعــــــه ..
وواحده ونص تشجيني
وترضيني
وترسم وشم ف جبيني
وحبة هيصه تداويني
وقعده وصحبه مشبوهــــــه ..
يموت الحق في جنابكو
ويتسكع علي بابكو
ويتمزع بميت رقعه
ويتهزهز علي شباكو
ويتبلبل من السقعه
يهز شفايفوا بالفرحه
تقولوا الفرحه ممنوعــــه ..
وتتعري ميتين طرحه
ونخلة بيتنا مش طارحه
ومر التمر جاب قرحه
صرخت بآهــــا موجوعـــه ...
وسح ودح يا حظي
ورازي . في الهوي وغذي
يا متحزم . مقامك زين
وأنا مش زين ومترزي
وهزي . في الهوي هزي
تلاقي . الدفه مسموعـــــه ..
بقت تطبيل
في إيد عنتايل
ومخ تقيل . كما البراميل
ووازن نفسه م الساده
حاسبها تمام كما العاده
ولاطع جبهته دايما
لكن السجده ممنوعـــــــه ...
ضماير صح . مش فاهمه
بإن الصح فيه أزمه
بيتبهد ل بميت جزمه
مالوش .. لازمه
تفكرني ..
أقول الحق من تاني
أقوله بريء يقول جاني
ومين من نومي
صحاني ...
صباح الخير يا سجاني
علي راسك ميتين عاهه
وأمـــة رافعه لدعاها
لكن الدعوة مقطوعــــه ...
وملد وعه
علي الخيبه
علي الويبه
كرامه مفيش
عداله مفيش
كلوها الساده هضموها
وجوا ماسوره شخوهـــا
وسابولنا رغيف العيش
نسقي بــيــــــــــه
في ميت روبــــــــــــــــه ...