مولود جديد شعر / الهام شحاتة سالم

مولود جديد
بقلم الهام شحاتة
**************
اكتب وسطر ياتاريخ
أكتب بداية البدء فى
زمن الشتات
أكتب حكايتى بين سطورك
ياتاريخ
فأنا الولد
أبن البلد
اللى البلد
مستنياه
,,أيده كما الصوان
قلبه كما السوليفان
دمى من النيل الجميل
ياشهد عذب
وسلسبيل
هاهتك ستار الليل –
فى عز الضلمة يتولدالأمل

والفرح ينشد من السبوع
أغية الفجر
هلل وردد فى المدى
مدد .. مدد
الله أكبر يابلد
الحق فارد ع السما
والشمس تبعد
فى النجوم
وتصفهم
عنقود يلالى م الدر
فاقوا العيال
فى عتمة الليل الحزين
مستنيين
الفارس أكيد
يملى لهم القله بعنبر سلسبيل
ويدق برد مالت
ع الخدود
وياالفرح الخير طرح
والنور سرح جوه بطون الأوردة
الفجر سارح فى ابتهاج الأفئده
بيفنى مواله الجميل
ياليل .... ياعين
الحلم مرسوم ع الجبين
والفجر طالع شئ جديد
وانا بالأكيد
طرح البلد
مولد جديد
------------------------
مولود جديد
شعر الهام شحاتة سالم
من ديوان (( جرح الهوى ))
------------------------------------------