احساس .. بقلم / سيد صادق

خاف عليها متخوفهاش
مش كل شويه تبكيها
الكلمه الحلوه متمسكهاش

قولهلها هتفرح اوي بيها
الدنيا بحالها دي متسواش
دمعه بسببك جوه عنيها
================
خدها ف حضنك حسسها
أن انت ملاك جاي يحرسها
و ان زعلت روح بوس على راسها
و امسك ف ايديها ومتسبهاش
خاف عليها متخوفهاش
=================
خليها تملي تقول انك
مفيش اتنين ابدا منك
و أن غابت لحظه ف يوم عنك
اسأل عليها متهملهاش
خاف عليها متخوفهاش
================
سيد صادق

أعجبنيتعليق