(ليه يا بنفسج ؟!!!)
…………………………
سألني الصخر و اتعجب …………………………
ملامحك ليه ساكنها أنين ؟!!!
و صمتك ليه شجن صافي!!
و أيامك راسمها حنين!!!
حزين لكن فارد قامتي
و صمتي سقيته لناياتي
نغم ساكن قلوب ملايين
شتا راجع....ربيع رايح
ما أنا أصلي كما المركب
بيتمايل ما بين شطين
بيسأل بكره عن امبارح
لا عيني فاكره عنوانه
و لا عاشقة طريق خايفين!!!
ده كلّ الأمر يا ساده
حنين ساكن في نن العين
و قلب يتصبّح و يتمسى
بطريق شارد بقاله سنين
لا تسأل فين كان امبارح
و لا بكره طريقه منين!!
و أنا الهايم في ملكوتي
سيبوني أمانة يا أهل الله
كطير فارد جناحه حنين
لا بيهمه رياح تعصف
و لا خايف كلام لايمين!!!
و يبكي ليه...
و يشكي لمين!!!...
دا ربّك صاحب القدرة
و سبحانه حافظ و معين.
يا ربي ليك نطق صمتي
و في رحابك أماني سنين
………………………………
سمعني الصخر ما اتعجب
لكن سبّح
سمعنا الكون....
قام اتوضا بشوق و حنين.
……………………………………
إيمان المصري (رحيل)
ليست هناك تعليقات:
إرسال تعليق