وداع .. بقلم .. علاء الجمالى ..

وقلتيلي بكل شجاعة
وبراحة
انك مش راجع تاني
وكنتي في منتهي الصراحة
حساني
وقلتيها مرتين
هتعيش يومين
وبكرة تنساني
وبعدها هتشوف الراحة
الحزن بعده استراحة
طبع الانسان اناني

وقلتلك موافق
وحصل بينا التوافق
ما اجمل وداعك
وسلامك الدافئ
بس لو تسمحيلي
علشانك وعلشاني
اغير مكان عنواني
لجل لو يوم قابلتك
ملقاش حاجة وجعاني

وقلتيلي سلام

فوقف ف حلقي الكلام

شاورتلك بأيديا

يا احلي اميرة

شافتها عينية