يوم الشهيد ...... شعر / عمرو الجوجرى

يوم الشهيد ...... شعر / عمرو الجوجرى
فى يوم عيدك ياشهيد
لبست أنا توبى الجديد
لبست توب الفرحه بيك
وخلعت توب الحزن ليك
وحلفت ليكون عيد سعيد
أخد بتار إبنك الوليد
ماتزعلش هاخده أكيد
واهديهولك فى العيد الجديد
كنت يابطل يوم شهادتك
حاطط مصر جوا عينك
كنت رايح حالف ماترجع
إلا والنصر بين اديك
يومها كان ربك بيناديك
عا الجنه كانت خطوتك
وولادنا غنولك تسلم أديك
إبنك شايله جوا جفنى
أصل ولدك هو أبنى
كل فخره إنك أبوه
وزمايله على اكتافهم شلوه
عاش إبن الشهيد
عاش أجدع وليد
بكره هيعمرها الوليد
روحك دلوقتى مرفرفه
فوق سمانا مشرفه
كل مصرى يحب مصر
كل وطنى فى كل عصر
نام وارتاح فى جنتك
كلنا لابسين بدلتك
ناوين نطهر أرضنا
ناوين نحمى عرضنا
من كل خاين وخسيس
من كل مجرم باع رخيص
من كل إرهابى جاسوس
زغللت عينه الفلوس
ما منعه دين ولا إسلام
دبح اخواته كيف الحمام
قلبه يبس والرحمه ماتت فيه
يهدم يفجر والغدر جوا عنيه
نهايته قربت ويومه حان
الصبر. دا كل شيئ بأوان