اعدام الضمير .. بقلم .. عونى هشام

اعدام الضمير
=========
قوى خيوط المشنقه
واحكم بها
دلوقتى اعدام الضمير
شايف جنود متخندقه
ومصوبه كل السهام
والمجنى كان طفل صغير
راح الضمير
والفضل كان للتفرقه
ده اسمه ناكر
والتانى كان اسمه نكير
القدس راحت مننا
والعيب علينا كلنا
واللى انقتل
عشان ابوه راجل فقير
قوى خيوط المشنقه
واحكم بها
دلوقتى اعدام الضمير
صدام دا رمز عزنا
لا عمره خان
ولا حتى كسر عزمنا
شايل هموم الامه
كان رافع بنا
جات الخيانه
من جبان
كان له صديق باعه
دلوقتى يبكى مثلنا
وأعدموه فى يوم
ملوش نظير
اليوم بنبكيه بدمنا
صاعت العراق
وسط النفاق
وسوريا جايه
فى الطريق
فين الصديق
امتى نوحد صفنا
عرفنى ايه يبقى المصير
قوى خيوط المشنقه
واحكم بها
دلوقتى اعدام الضمير
ارض الكنانه امنا
لا شفنا يوم ارهاب
ولا كان مننا
مسلم مسيحى فى البلاد
كله يوحد ربنا
داعش ومدعوش
مين اللى جابه عندنا
عاملين امارة يا خسارة
ليله هباب
لو حد منهم
لسه عايش وسطنا
فاكرينها سيبه او زريبه لا-
لا ياداعش
ترابها مروى بدمنا
سينا ابويا وفيها اخويا
يوم العبور يشهد لنا
ومهما تعلا انت واطى
ولازم تتطاطى
دم الشهيد يطرح شجر بتظلنا
لجيش بلادى
علامه كبرى فى كل وادى
وشعب قال مفيش محال
وتعود بلدنا تلمنا
ساعتها هيعود الضمير
والغنى يشيل الفقير
يا نقول سلامه على الضمير
جهز خيوط المشنقه
==============
عونى هشام

أعجبنيتعليق