طب أقولك ايه ؟؟ بقلم / محمد جمال

طب أقولك ايه اكتر من
إنك شيئ في تكويني

كتبت صرخت وفاضل ايه
اقوله عشان تصارحيني

خايفه ولا مش شايفه
ولا خلاص هجرتيني

نسيتي الشوق اللي جرحني
ولا نسيتي تنسيني

ده أنا عاشق عنيكي السمر
برمش العين سحرتيني

أنا شاري الوداد والقرب
يا عمري ليه تضحيني

امحي كل الخوف وكوني
زي البدر أنسيني

عارف ان غيري كتير
قالوا سنين ( تحبيني؟ )

لكن قلبي أنا عطشان
لنظرة حب إسقيني

يمكن أكون أخر شيئ
في قلبك لو تهاوديني

ويمكن تبقي اخر نور
في عمري لو وافقتيني

وبعد كل اللوم يا قلبي
بسيف البين دبحتيني

وهفضل احبك رغم الموت
وأكون بحلم تناديني

وازورك في المنام واطلب
من قلبي تسامحيني
......................
بقلم .. محمد جمال

أعجبنيتعليق