عُمريِ ماكُنت أصدق ** بقلم .. صفاء عبد ربه

عُمريِ ماكُنت أصدق
***************
عُمريِ
عُمريِ ماكُنت أصَدق
العِشرَه عَليك تُهون
وإنَك للعَهد خاين
وماتعرف تصون
عُمريِ
عُمريِ ماكُنت أصَدق
أهون في يوم عَليك
وان إللي كان بينا
إغتالته إنتَ بإيديك
عُمريِ
عُمريِ ماكُنت أصَدق
أشريك وإنتَ تِبِعنيِ
أدعي والله سامِعنيِ
ونِهايتيِ مَكتوبَه ليك
عُمريِ
عُمريِ ماكُنت أصدق
كُل إللي عِرِفته عَنَك
وهُما بيقولوا إنَك
أنانيِ ومش أصيل
وان الطَبع إللي فيك
عُمرُه ماكان جَميل
عُمريِ
عُمريِ ماكُنت أصَدق
أملي القاه سَراب
وإلليِ يمسَح دَمعِتي
يدفِني ف التُراب
فين نَزف الحَنين
فين رَحِم الجَنين
فين حُب السِنين
إرجَع لليِ فات
قَلِب في الذِكرَيات
معاها خُد وهات
هاتِلاقيِ حاجات كِتير
اللي حَصلت مابينا
أبداً مالهاش تَفسير
هوا دا حصاد السنين
هاتلِاقيِ ذِكريَّ حِلوَه
غيرها تِلاقيها مُره
إقتَسمناها إحنا الإتنين
هاتلِاقيِ عُمر ضاع
مابين عِتاب وصراع
ماكانشي بينا وداع ؟
وماخَلِف غير أنين
هاتلِاقيِ كِتير جِراح
وكتير مَعاها سَماح
مَصحوب بشوق وحَنين
كل دا راح فين ؟
ليه النَهارده بِعت ؟
وإزاي فيك انخَدَعت ؟
أنا مُش قادره أصَدَق
أشوف فُراقنا لاح
ومات إحساسيِ بيك
وليا ان يوم رِجِعت
مُش هارجَع تانيِ ليك
وإن قولت خَلاص سامحيني
عُمري ماهارضيَّ عَليك
أنا مُش قادره أصَدق
أعيش نَزف الأنين
وإن إللي كان بينا
عمره ماكان يقين
أنا اللي كنت بحلم
معاك بالحنين
إعيش العمر جنبك
ولا قلبي يكون حزين
عمري ماكنت أصدق
عمري
.................
بقلم .. صفاء عبد ربه