قصيدة إسود الزمن .. الشاعرة / ايزيس غانم

قعدت على كوم الحجارة
في إيديها باقي من دُبارة
مربوطة في فارغة بارود
بتهزها باللا شعور ..
باللا إرادة ..
وف عنيها الدمع .. عود
والعادة ....
إن الدمع .. دمعة ..
تسبقها دمعة ع الخدود
بس اللى بين الدم قاعدة
لسه بفيونكات وجود
لسه الشريطة في شعرها
حمرا في ضفاير شعر سود
ولسه بستان عمرها
خالي من طرح الورود
خالي من مأمن أمانها
خالي من ضل ابتسامها
لكنه فوار بالغضب
من أذى .. ديب اليهود ..!!
ولحد إمتى العرب...
وجودها مش موجود..؟
ماتت إسود العرب...
وعرينها سكنه الدود...
يخلف عليكوا يا عرب...
بكيان..يكونله وجود...
..................................
قصيدة إسود الزمن ..
من ديوانى الأول
 الشاعرة / ايزيس غانم