متاخدش ف بالك دا عيالك .. بقلم .. سيد صادق..

متاخدش ف بالك دا عيالك
بكره هتتهني
و ان راح مبارك ف جمالك
قاعد يستنى
إعلام العاره ف الحاره 
عمال يحلالك
بيقولك اسمع راح يرجع
جملك وهلالك
خلقوا الفزاعه يا جماعه
عملولنا الللي
و آخر الحدوته في شوطه
هتشيل ما تخلي
تعبوا اللي جابونا و وهمونا
أن احنا هنقدر
على مركبة عايمه ب ناس نايمه
و كمان بتشخر
و دخلنا التوهه ب رجلينا
ف عيوننا الفرحه
قالولنا هنلبس ف دهبنا ..
ف لبسنا الطرحه
رسمولنا طريقنا و خلونا
نخون بعضينا
ودونا البحر و جابونا ...
 فينا مكفينا

سيد صادق